மாளிகாவத்தை மையவாடியில் ஆக்கிரமிப்பு - அறிக்கைகோரும் ரணில்
மாளிகாவத்தை முஸ்லிம் மையவாடிக்குச் சொந்தமான காணி தனியார் ஒருவரினால் ஆக்கிரமிப்புச் செய்யப்பட்டு அக்காணியில் எட்டுமாடிக் கட்டடமொன்று நிர்மாணிக்கப்பட்டு வருவது தொடர்பிலான அறிக்கையொன்றினை தனக்குச் சமர்ப்பிக்கும்படி பிரதமர் ரணில் விக்கிரமசிங்க கொழும்பு மாநாகரசபையின் ஆணையாளர் வி.கே.ஏ. அநுரவைக் கோரியுள்ளார்.
இலங்கை முஸ்லிம் மத உரிமைகள் சங்கம் மாளிகாவத்தை முஸ்லிம் மையவாடிகளுக்குச் சொந்தமான காணி தனியார் ஒருவரினால் ஆக்கிரமிப்பு செய்யப்பட்டமை தொடர்பில் செய்த முறைப்பாட்டினையடுத்தே பிரதமர் அது தொடர்பான அறிக்கையை கொழும்பு மாநகர ஆணையாளரிடம் கோரியுள்ளார்.